الاوراق المطلوبه للقيد في نقابه المهندسين

img

الاوراق المطلوبه للقيد في نقابه المهندسين

كارنيه نقابه المهندسين بنعمل بيه ايه ؟!

الإجابة كانت إن هو هينفعك عشان تسطر بيه، وفي اللي قال تفتح بيه cover الفون لما تحب تشيك على البطارية ..
وكتير قالوا إن هو بيعملك بريستيج كده ?

 الحقيقة إن كارنيه النقابة ليه فايدة كبيرة جدا ليك كمهندس .. ?

1- من غير الكارنيه مش هتعرف تزاول مهنة الهندسة وفي اماكن مش بتعترف بالمهندس بدون كارنيه النقابة ..
2- خصومات فى مستشفيات وعيادات كتير جدا وعلى جميع الفحوصات والاشعات والعمليات ..عن طريق البطاقة العلاجية اللى بتاخدها مع الكارنيه لأعضاء نقابة المهندسين ( والبطاقة العلاجية هتلاقي فيها اسماء المستشفيات والمراكز اللى ليك خصم فيها، مغطية اماكن كبيرة )
3- خدمة التأمين الصحي للمهندس واسرته.
4- خدمات اجتماعية زي: المعاشات لأسرة المهندس – إعانة للزواج – إعانة علاجية – إعانة للمجندين ومستحقات ضابط مهندس – وسلف بضمان المعاش و مصاريف جنازة .. وغيرها كتير
5- ممكن تعمل “سجل هندسي” وتضيف فيه كل التقارير والشهادات وحصر الأعمال اللى قمت بها ويتم اعتمادها بإدارة ممارسة المهنة .. ويشترط يكون مضى على تخرجك 3 سنوات ..
6- أعضاء نقابة المهندسين “حامل الكارنية” له حق دخول نادي المهندسين مجانا ( واقرب نادي للمنوفية في السادات ) والأسرة بتختلف حسب الدرجات ..
7- حاليا نقابة المهندسين العامة بتبني “مستشفى المهندسين ببدر” هدفها تقديم خدمة طبية للمهندس، مع وجود خطة بالتوازي لإنشاء مستشفيات مصغرة في المحافظات مش هتستفاد منها بدون كارنيه.
8- خصم على قاعات النقابة لأعضاء نقابة المهندسين.
9- مميزات خاصة بالاسكان والرحلات الترفيهية ورحلات عمرة ..
10- اختبار الـ FE اختبار اختياري: وهـو خدمـة تقدمها نقابة المهندسين بالاتفـاق مـع الجانب الأمريكي تمنح مـن يتمكن من اجتيازه شـهادة عالميـة، اعرف اكتر عن امتحان الـ FE من هنا : https://goo.gl/vkNbVm
11- خصم 10% لأعضاء نقابة المهندسين لمشتريات من اماكن زي Coctail stores في جميع الفروع .. واماكن اخري ..

كل الخدمات دى مش هتستفاد منها بدون كارنيه النقابة ? عشان كده ادفع الـ 800 جنيه وامرك لله ?

بالنسبة للعضو الجديد الذي يقيد بالنقابة لأول مرة يقدم المستندات التالية

ملحوظة هامة :- عند التسجيل واستلام الكارنيه لابد من حضور المهندس بنفسه ولا ينيب عنه أحد.

الأوراق المطلوبة بالقيد في النقابة :

أولا : بالنسبة للجامعات الحكومية والمعاهد الحكومية

1-اصل شهادة التخرج المؤقتة + صورة منها

-2 اثبات شخصية ( بطاقة الرقم القومى) + 2 صورة منها

-احضار الصحيفة الجنائية (فيش وتشبيه) حديث وموجه بإسم نقابة المهندسين

-عدد 2 صور شخصية

ثانيا بالنسبة للجامعات الخاصة والمعاهد الخاصة

1-اصل شهادة التخرج المؤقتة + صورة منها

2-ثبات شخصية ( بطاقة الرقم القومى) + 2 صورة منها

3-احضار الصحيفة الجنائية (فيش وتشبيه) حديث وموجه بإسم نقابة المهندسين

4-شهادة المعادلة من المجلس الاعلى للجامعات

5-عدد 2 صور شخصية

6- أصل شهادة الثانوية العامة او ما يعادلها ( بيان الدرجات ) + صورة منها

صوت وطني

صفحتنا عل الفيس يوك 

مواضيع متعلقة

التعليقات مغلقة