اللى عايز سيارة زيرو بأقل من التوكيل بحوالى 120 الف وممكن تبقى أقل كمان ب 250 الف جنيه حسب الموديل على الأقل يقرا كويس الكلام اللي جاي .. شير بس الاول عشان إفادة الناس و ندي درس محترم للتوكيلات الحراميه
ازاي تستورد سياره مالك اول ليك من اوروبا:
شويه خطوات تتبعها وانت اللي كسبان… بدل ما تقع في جشع تاجر السيارات هنا في مصر

⬅️ لازم السيارة تكون بشهادة منشأ اتحاد أوروبى.
⬅️لازم تحصل علي (برفورما انفويس) فاتورة مبدئية يعنى ودي بتكون يا اما فاتوره شامله سعر الشحن او لا وده بيكون مذكور في الفاتوره ??
– فوب (يعنى على ظهر المركب فى ميناء الشحن)
او
– سيف (يعنى واصل أسكندرية متضمن سعر الشحن والتأمين) تمام لحد كده؟؟؟
⬅️تاخد المستندين(اللي ذكرتهم فوق????) دول وصورة بطاقتك وعلى البنك وتفتح حاجة اسمها اعتماد مستندى بناءا علي المستندات اللي معاك حيتفح الأعتماد.
⬅️ هتبعته للى حتشترى منه هناك في اوروبا (صاحبك ابن عمك هيتوسطلك في القصه دي هناك) اول ما يشحن العربية ويبعت المستندات الأصلية للبنك مباشرة البنك يحول الفلوس.. مابعتش يبقا مفيش تحويل.
⬅️معاك حاليا مستنداتك بعد الدفع تطلع انت على جمرك السيارات اللى فى مطار القاهرة.. قبل البوابات تدخل يمين.. يعنى مش تخش المطار.. اسأل على جمرك السيارات قبل الكارتة حيقولك خش يمين.. تروح تقولهم عايز اعمل افراج مسبق. إفراج اية؟؟ افراااااج مسبق؟؟ علشان متتبهدلش فى الجمارك فى اسكندرية … ودى المستندات.
⬅️ الجمرك حيحددلك الرسوم والضريبة وكل المصاريف تدفع كل المصاريف وتاخد إذن الإفراج الجمركى المبدئى فى ايد حضرتك.
⬅️لما توصل العربية الميناء تاخد اجازة يومين او تلاتة بالكتير.. وتروح اسكندرية تدخل الميناء وتشوف اى مستخلص علشان يحط اسمة على الورق وكل اللى حيعملة معاك حيفتحلك شهادة.

ازاي تجيب عربيه اوروبي بنصف الثمن

⬅️ بالشهادة دي تروح بيها على الجمرك ياخدوا بصمة الشاسية والموتور زى ما بيحصل فى الفحص كدة فى المرور اول ما يلاقيها مطابقة يعملك افراج نهائى وتستلم عربيتك. لو مكنش فى نفس اليوم يبقا تانى يوم بالكتير..
⬅️ تحط فيها بنزين خمسة وتسعين بلاش استخسار.. وتركب عربيتك وتوصل بألف سلامة لأقرب مرور ليك اللى انت تبعة.. تدخل عليهم تشترى دوسية فحص. وتقف فى الطابور وتحط اذن الإفراج فى الدوسية وحياخدوا البصمة. والبيانات حتوصلهم اوتوماتك من الجمارك. تدخل تدفع الضريبة ورسوم الرخصة. وتطبع الرخصة وتروح على البيت وبكده انهيت قصه استيرادك للسياره بنفسك.
⚠️ المهم نقطع صوابع التوكيلات المفترية دي ⚠️ وبدل ما نقول #خليها_تصدي… احنا نسعي نجيب حاجتنا بايدينا..

??وكمان من حق المدام او والدك او اختك تجيب على اسمهم بنفس الطريقة.. ويبيعولك العربية عادى جدا برضوا بس بعد الإفراج الجمركى.. يعنى ممكن تبيع العربية اول ما تستلم الأفراج والمشترى يرخص بأسمة عادي.

⬅️لغايه هنا والدنيا تمام… طيب لو حابب تعرف اسعار السيارات في اوروبا عامله ايه… هقولك سهل جدا ممكن تخوش علي اكثر من موقع او تنزل كذا ابلكيشن ع الموبيل هتقدر من خلالهم تدور علي الموديلات ذات المنشأه الاوروبي ( سكودا-فولكس واجن – فيات-بيجو- رينو…) وهتقدر تقييم الفلوس اللي معاك هتجيب بيها ايه مع العلم انك هتضرب اليورو بسعر الصرف الحر اللي هو ٢٠ ج وكسور وشوف الدنيا هتجيب معاك ايه. وفي مواقع كتيره تعرف منها الاسعار… ممكن تعمل سيرش علي جوجل والمواقع اللي ممكن تعرف منها اسعار الجديد واليوزد لان مسموح لك بردو تجيب سياره هيبرد (بنزين وكهرباء مهجن) يوزد بحد اقصى تلات سنين من العام الحالي.

ازاي تجيب عربيه اوروبي بنصف الثمن

وده موقع مثال وفي زيه كتير…
✅ http://m.autowini.com/main.do…

وبخصوص التطبيقات موجوده كتير علي جوجل ستور هتأدي نفس الوظيفه… زي الابلكيشن ده

✅ https://play.google.com/store/apps/details…

المصدر Ahmed Haggagovic – أحمد حجاجوفيتش

ازاي تجيب عربيه اوروبي بنصف الثمن

صوت وطني